Міністр адзначыла, што ў цяперашні час функцыянуе адзіная лічбавая платформа сацыяльна-працоўнай сферы. Яе ядро — Дзяржаўная інфармацыйная сістэма сацыяльнай абароны, праз якую штомесяц праходзяць выплаты на суму Br2 млрд для 3,5 млн чалавек. 

Міністэрства працы сёння актыўна развівае два ключавыя інтэрфейсы карыстальнікаў у гэтай сістэмы. Першы з іх — абноўлены Партал сацыяльнай абароны, які дае інфармацыю пра больш чым 40 відаў сацыяльных паслуг і дазваляе наўпрост заказваць іх. Зваротная сувязь ад сацыяльнай службы паступае на працягу аднаго-двух дзён.

Другі інтэрфейс — мабільны дадатак Фонду сацыяльнай абароны, які быў запампаваны 2,7 млн разоў. Гэта персанальны лічбавы сацыяльны памочнік для працуючых грамадзян, які дазваляе ў рэальным часе адсочваць фарміраванне пенсійных правоў і кантраляваць адлічэнні работадаўцы. 

У бліжэйшых планах  — пераход да праактыўных паслуг. Міністр паведаміла, што ў наступным годзе ў краіне будзе запушчаны сэрвіс праактыўнага прызначэння пенсій дзецям-інвалідам і маладым інвалідам. «Цяпер ва ўзаемадзеянні з установамі аховы здароўя праводзіцца яго тэставанне, і мы рыхтуемся запусціць у работу першы наш праактыўны сэрвіс ужо ў першай палове 2026 года», — сказала яна. 

Наталля Паўлючэнка таксама падкрэсліла, што міністэрства ставіць амбіцыйную задачу па максімальнай лічбавізацыі падтрымкі ў сувязі з жыццёвымі падзеямі. Гаворка ідзе пра такія сітуацыі, як атрыманне сямейнага капіталу, прысваенне статусу шматдзетнай сям’і, патрэбы ў дзяржаўнай падтрымцы, страта блізкага чалавека і іншых.

Акрамя таго, у партал Дзяржслужбы занятасці плануецца ўкараненне элементаў штучнага інтэлекту для падбору вакансій, што зробіць пошук працы не толькі хуткім, але і сапраўды персаналізаваным.