У Мінскай вобласці да сяўбы яравых збожжавых культур пакуль не прыступілі, аднак у шэрагу раёнаў пачаліся веснавыя палявыя работы.

У паўднёвых раёнах, а гэта Любанскі, Салігорскі, Старадарожскі, Стаўбцоўскі, Слуцкі, вядзецца падкормка азімых збожжавых, азімага рапсу. Работу пачынаюць і ў цэнтральнай частцы вобласці. Што датычыцца масавага выхаду на палі, тэхніку плануем вывесці ўжо да канца тыдня. Задзейнічана будзе ў гаспадарках больш за шэсць відаў розных сельгасмашын», — расказаў старшыня камітэта Сяргей Прымачэнка. 

Акрамя гэтага, у сельгаспрадпрыемствы вобласці працягваюць вывозіць арганіку з наступным яе унясеннем, ідзе баранаванне траў, іх падкормка калійнымі ўгнаеннямі, а таксама падсяванне.

«Стараемся выкарыстоўваць умовы надвор’я, якія склаліся. Так, раніцай, пакуль зямля цалкам не адтала пасля начных замаразкаў, выходзім на травы, уносім даламітавую муку. Задзейнічаем тэхніку ў вячэрні час», — адзначыў Сяргей Прымачэнка. 

Як падкрэсліў старшыня камітэта, у гэтым сезоне аграрыям Мінскай вобласці трэба пасеяць больш за 280 тыс. га кукурузы, да 100 тыс. га яравых збожжавых. У актыўную фазу сяўбы ў вобласці будзе працаваць каля 6 тыс. адзінак тэхнікі. 

Чакаюць вяскоўцы і падтрымку горада: на дапамогу ў правядзенні веснавых палявых работ у Мінскую вобласць прыедуць больш за 400 чалавек.