Rage bait даслоўна перакладаецца як «прынада для гневу». Па паведамленні выдавецтва, слова года было выбрана пасля грамадскага галасавання і аналізу моўных экспертаў. «Рэйджбэйт» — анлайн-кантэнт, спецыяльна створаны для выкліку гневу або абурэння шляхам выкарыстання правакацыйных або абразлівых элементаў, што звычайна публікуюцца з мэтай павелічэння трафіку або ўцягнутасці на пэўнай вэб-старонцы або ў сацыяльных сетках», — тлумачыць слоўнік.

Папулярнасць слова «рэйджбэйт» эксперты звязваюць з ростам больш свядомага выкарыстання інтэрнэту з боку карыстальнікаў, таму вырасла і колькасць вобразаў-правакатараў для прыцягнення ўвагі. «Цяпер гэта з’ява таксама адыгрывае вялікую ролю ў фарміраванні дыскусій аб палітыцы, ідэнтычнасці і дэзынфармацыі», — падкрэсліла выдавецтва.