Да цяперашняга часу Уладзіслаў Татарыновіч працаваў на пасадзе намесніка Старшыні Савета Рэспублікі Нацыянальнага сходу Рэспублікі Беларусь.

«Ён „грашовы чалавек“. Ён добра ведае фінансавую работу. І я так адчуваю, што ўсё ж такі ў парламенце некалькі яму цеснавата. Гэта, можа, нават не яго месца і не яго справа. І падумаў, што паспрабуем яго на канкрэтнай, але вядомай яму рабоце. Ён жа выхадзец цалкам з гэтых грошай — у Міністэрстве фінансаў працаваў», — адзначыў кіраўнік дзяржавы.

Уладзіслаў Татарыновіч нарадзіўся ў чэрвені 1971 года ў вёсцы Селішча Мінскага раёна. Скончыў Беларускі дзяржаўны эканамічны ўніверсітэт, Акадэмію кіравання пры Прэзідэнце Рэспублікі Беларусь. Працаваў у Міністэрстве фінансаў Беларусі на розных пасадах. У 2001 годзе прызначаны намеснікам начальніка Галоўнага ўпраўлення — начальнікам упраўлення падатковай палітыкі Галоўнага ўпраўлення падатковай палітыкі і даходаў бюджэту, у 2009 годзе — намеснікам міністра фінансаў.