«Любое рашэнне, асабліва такога плану, як забарона, павінна быць дакладна прадумана. Павінны быць прадуманы яго наступствы. Яно павінна быць мэтазгодным і эфектыўным. Калі мы дэкларуем, але не можам рэалізаваць, то лепш наогул не дэклараваць, — лічыць Дзмітрый Жук. — Што датычыцца платформаў, якія выкарыстоўваюцца грамадзянамі Беларусі, дзейнічаць трэба вельмі акуратна. Вы ведаеце і пазіцыю Прэзідэнта, ён не прыхільнік забаронаў. Трэба шукаць іншыя механізмы ўзаемадзеяння з гэтымі буйнымі гульцамі сусветнай медыяпрасторы».

Паводле слоў новага кіраўніка Мінінфарма, кіраўнік дзяржавы пры прызначэнні звярнуў увагу на той факт, што цяпер ідзе інфармацыйная вайна. «Яна ідзе вельмі жорстка, без правілаў. Недвухсэнсоўны прыклад — выдаленне з YouTube трох каналаў нашых вядучых СМІ. І адна з задач — не дапусціць, каб інфармацыйная вайна стала гарачай. Няхай яна застаецца ў інфармацыйнай сферы. Змагацца давядзецца на чужой тэрыторыі — на тым жа YouTube, у Instagram», — сказаў Дзмітрый Жук.

Міністр інфармацыі звярнуў увагу на тое, што найважнейшым аспектам у гэтым кірунку з’яўляюцца журналісты, якія з’яўляюцца свайго роду салдатамі гэтай інфармацыйнай вайны. «Асяроддзе прымянення іх намаганняў — гэта пытанне тэхналогій, і мы не ведаем, што нам падкінуць заўтра. Але мы павінны дакладна разумець, што гэта ідэалагічна вывераныя, граматныя людзі, якія здольныя і тэхналагічна асвойваць любыя фарматы работы. Гэта самае важнае, што трэба будзе зрабіць у інфармацыйнай сферы», — падкрэсліў ён.

Іншай немалаважнай задачай Дзмітрый Жук назваў абарону беларускага рынку ад інфармацыйнага ўварвання негатыўных трэндаў, якія супярэчаць маралі беларусаў.