Затым яго пераключылі нібыта на супрацоўніка КДБ, які пераканаў мінчаніна, што ён размаўляў з махлярамі і даў доступ да сваіх асабістых даных. Каб аферысты не змаглі ўчыніць ад яго імя незаконныя пераводы, «памочнік» параіў прытрымлівацца інструкцый.

Мужчына паверыў і паклаў усе свае зберажэнні на новы банкаўскі рахунак. А затым пад дыктоўку куратара стварыў крыптакашалёк і адправіў на яго грошы. Усяго праз сем хвілін махляры спустошылі яго віртуальны баланс і перасталі выходзіць на сувязь.

Распачата крымінальная справа. 

У міліцыі нагадваюць: махляры пастаянна прыдумваюць новыя формы падману для крадзяжу грошай. Ні пад якой падставай не варта пералічваць або перадаваць свае зберажэнні незнаёмцам, якія просяць пра гэта па тэлефоне і пагражаюць крымінальнай адказнасцю. Атрымаўшы такі званок, трэба звярнуцца ў міліцыю.

Ягор ЧУРЫК