У Беларусі 15 студзеня ноччу па ўсходняй палове тэмпература паветра складзе 25-30 градусаў марозу. У краіне аб’яўлены аранжавы ўзровень небяспекі. Аб гэтым паведамілі ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
У чацвер будзе воблачна з праясненнямі. Пераважна без ападкаў, толькі ноччу на захадзе часам пройдзе снег, месцамі моцны снег, днём у асобных раёнах на паўднёвым захадзе — невялікі снег. Ноччу і раніцай месцамі слабы туман.
На асобных участках дарог — галалёдзіца. Вецер прагназуецца паўднёва-ўсходні 2-7 м/с.
Тэмпература паветра ноччу складзе 17-24 градусы марозу, па захадзе — мінус 10-16, месцамі, а па ўсходняй палове ў многіх раёнах да 25-30 градусаў марозу. Днём будзе ад мінус 12 да мінус 18 градусаў, па захадзе — мінус 7-11.
