Санінспектары правялі рэйды па кропках грамадскага харчавання і былі ў шоку ад убачанага. Дзяржсаннагляд знайшоў сотні кілаграмаў небяспечных прадуктаў. Гаворка ідзе пра папулярныя сярод моладзі шаурма і сушы. Аб гэтым паведамілі на афіцыйным сайце Гомельскага абласнога цэнтра гігіены, эпідэміялогіі і грамадскага здароўя.
Гэта ўстанова праверыла ў красавіку 65 аб’ектаў грамадскага харчавання. Усюды былі парушэнні. Так, у 17 пунктах (26%) Гомельскага рэгіёну рэалізоўвалася прадукцыя са скончанымі тэрмінамі прыдатнасці.
Акрамя таго, у 30 аб’ектах (46%) тавары былі без маркіроўкі або з няпоўнай маркіроўкай.
Якія яшчэ парушэнні знайшлі
Сярод парушэнняў — прадукцыя без дакументаў, нездавальняючы санітарны стан памяшкання, абсталявання, посуду, парушэнне тэхналогій падрыхтоўкі, адсутнасць медаглядаў у супрацоўнікаў. Дзяржсаннагляд вынес 45 прадпісанняў, якія прыпыняюць вытворчасць і (або) рэалізацыю тавараў.
Таксама выдадзена 33 дакументы, якія забараняюць прадаваць больш за 391 кг небяспечнай прадукцыі. Суб’ектам гаспадарання накіравана 54 прадпісанні аб устараненні недахопаў. У адносінах да асоб, якія дапусцілі гэтыя парушэнні, пачаты адміністрацыйныя працэсы.
