Большасць трагедый адбылося ў Слаўгарадскім, Быхаўскім, Кіраўскім і Магілёўскім раёнах. Як адзначылі ў наглядным ведамстве, асноўнай прычынай гібелі людзей сёлета стала непатушаная цыгарэта.

Пракуроры вобласці актыўна ўключыліся ў прафілактычную работу: першы намеснік пракурора рэгіёна Андрэй Клышэвіч прыняў удзел у пасяджэнні райвыканкама ў Слаўгарадзе, дзе абмеркавалі стан пажарнай бяспекі ў прыватным сектары і меры па ўзмацненні міжведамаснага ўзаемадзеяння. Намеснік пракурора Андрэй Волкаў выступіў на пасяджэнні савета грамадскага пункта аховы правапарадку ў Шклове.

«Ужо сёлета ў большасці выпадкаў гібелі людзей на пажарах прычынай трагедыі стала непатушаная цыгарэта. Таму важна дастукацца да ўсіх грамадзян, расказаць ім аб наступствах бестурботнасці і грэбавання правіламі бяспекі», — падкрэсліў Андрэй Волкаў.

Па выніках нарад у раёнах арганізаваны месячнік пажарнай бяспекі, узмоцнены рэйдавыя групы, праводзяцца прафілактычныя гутаркі з грамадзянамі, якія дапускаюць парушэнні правілаў пажарнай бяспекі і злоўжываюць спіртнымі напоямі. Работа ў гэтым напрамку працягваецца ва ўсіх раёнах вобласці.