Сёлета мерапрыемства пройдзе пад знакам дзесяцігадовага юбілею. Вядучыя эксперты галіны абмяркуюць актуальныя пытанні развіцця хлебапякарнай індустрыі, перспектыўныя кірункі, папулярызацыю спажывання хлебабулачных вырабаў, экспартны патэнцыял і імпартазамяшчальныя магчымасці, эфектыўныя інструменты лічбавага маркетынгу.

У сімпозіуме прымуць удзел больш за 250 кіраўнікоў і спецыялістаў хлебапякарнай галіны Беларусі, Расіі і іншых краін. Гэта вучоныя, вытворцы і пастаўшчыкі абсталявання, сыравіны, упакоўкі.

«Вялікая дэлегацыя расійскіх хлебапёкаў і кандытараў ужо знаходзіцца ў Беларусі, наведваюць прадпрыемствы, знаёмяцца з вытворчасцямі. Такія сустрэчы раскрываюць новыя магчымасці для калабарацыі, „нараджэння“ новай прадукцыі», — адзначыла Людміла Аўсяннікава.

Арганізатарамі сімпозіума выступаюць навуковы вытворча-практычны часопіс «Пекар & Кандытар», Міністэрства сельскай гаспадаркі і харчавання Беларусі пры падтрымцы Нацыянальнага выставачнага цэнтра «Белэкспа», Белкаапсаюза, Нацыянальнага саюза хлебапячэння (РФ), НДІ хлебапякарнай прамысловасці (РФ).

PRODEXPO — вядучая галіновая харчовая выстава Беларусі. Яе арганізатарамі выступаюць Нацыянальны выставачны цэнтр «БелЭкспа» Кіраўніцтва справамі Прэзідэнта Рэспублікі Беларусь і Міністэрства сельскай гаспадаркі і харчавання Рэспублікі Беларусь пры падтрымцы канцэрна «Белдзяржхарчпрам».

Выстава збірае вытворцаў і пастаўшчыкоў харчавання і напіткаў. Сёлета яна пройдзе з 11 па 14 лістапада.