Як паведамілі ў прэс-службе Нацбанка, да групы сістэмнай значнасці i аднесены акцыянерныя таварыствы ААБ «Беларусбанк», «Белаграпрамбанк», «Прыорбанк» і «Альфа-Банк».

Да групы сістэмнай значнасці II аднесены акцыянерныя таварыствы «Сбер Банк», «Белгазпрамбанк», «Белінвестбанк», «Банк БелВЭБ», «МТБанк», «Банк ВТБ» (Беларусь) і «БНБ-Банк».
Дарэчы, у параўнанні з цяперашнім годам пералік сістэмна значных банкаў і іх размеркаванне па групах значнасці не змяніліся.

— Аднясенне банкаў да ліку сістэмна значных ажыццёўлена на падставе агрэгаванай ацэнкі іх сістэмнай значнасці па такіх паказчыках, як маштаб дзейнасці банка, яго ўзаемазвязанасць з банкамі-рэзідэнтамі, значнасць для эканомікі і ўзаемазвязанасць з нерэзідэнтамі, — растлумачылі ў Нацбанку. — Разлік названых паказчыкаў ажыццёўлены ў адпаведнасці з патрабаваннямі інструкцыі аб парадку вызначэння сістэмна значных банкаў, нябанкаўскіх крэдытна-фінансавых арганізацый, зацверджанай адпаведнай пастановай Праўлення Нацбанка.

Рэгулятар адзначае, што банкі, аднесеныя да ліку сістэмна значных, павінны забяспечыць захаванне нарматываў дастатковасці нарматыўнага капіталу, значэнне якіх вызначаецца з улікам буфера сістэмнай значнасці. Акрамя таго, у пералічаных банках саветам дырэктараў (наглядальным саветам) з ліку яго членаў і работнікаў банка павінен быць сфарміраваны камітэт па ўзнагароджаннях, узначалены незалежным дырэктарам.