«Паказчыкі дзейнасці банкаў сведчаць аб надзейным, устойлівым і эфектыўным функцыянаванні банкаўскага сектара Беларусі», — адзначылі ў Нацбанку.

Дастатковасць нарматыўнага капіталу банкаў склала 19,2 % пры ўстаноўленым мінімальным значэнні для асобнага банка на ўзроўні 10 % (з улікам кансервацыйнага буфера — 12,5 %).

Велічыня пакрыцця ліквіднасці ў цэлым па банках дасягнула 158,6 % пры нарматыве не менш за 100 %.

Доля неабслугоўваемых актываў банкаў у актывах, схільных да крэдытнай рызыкі, склала 2,2 %, не перавысіўшы парогавага значэння ў 10 %.