Прыкладна праз мільярд гадоў (да 1 000 002 021 года) Зямля можа страціць прыдатнасць для жыцця. Сваімі разлікамі, колькі часу засталося да наступлення канца для ўсяго жывога на планеце, падзялілася група японскіх вучоных, якая працавала сумесна з NASA.

Яны прагназуюць, што яркасць і тэмпература Сонца будзе паступова павялічвацца, што прывядзе да выпарэння акіянаў і разбурэння атмасферы на Зямлі.

Па словах даследчыкаў, разбуральныя наступствы празмернай сонечнай актыўнасці могуць выявіцца на планеце ў разы раней, чым меркавалася. Так, экстрэмальныя сонечныя буры могуць выклікаць рэзкія змены ў складзе атмасферы, у тым ліку зніжаючы ўзровень кіслароду, што зробіць паверхню Зямлі практычна непрыдатнай для ўсяго жывога.

Адным з рашэнняў праблемы можа стаць стварэнне аўтаномных замкнёных экасістэм і пошук заселеных планет за межамі Сонечнай сістэмы. Спецыялісты NASA мяркуюць, што тэхналагічны прагрэс забяспечыць спосабы абароны ад Сонца і адтэрмінуе час, калі на Зямлі перастане існаваць жыццё.

Раней паведамлялася, што ад Сонца аддзяліўся адзін з найбуйнейшых у 2025 годзе пратуберанцаў. Калі б выкід адбыўся на дзень пазней, то Зямля трапіла б пад яго ўздзеянне.