Пра тое, наколькі моцнымі будуць маразы ў Беларусі ў ноч на 21 лютага, расказалі БелТА ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
У суботу будзе пераменная воблачнасць і пераважна без ападкаў. У начныя і ранішнія гадзіны месцамі магчымы туман. На асобных участках дарог чакаецца галалёдзіца. Вецер прагназуецца заходні з пераходам на паўднёвы ноччу 2-7 м/с, днём 4-9 м/с, з парывамі да 12 м/с.
Тэмпература паветра ўначы складзе 8-14 градусаў марозу, месцамі — мінус 15-20 градусаў. Днём будзе ад мінус 4 да плюс 1 градуса.
