У аўторак, 24 лютага, днём у Беларусі слупок тэрмометра паднімецца вышэй за 0 °С. Пра гэта паведамілі ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
Так, 24 лютага чакаецца перавага воблачнага надвор’я. Часам пройдуць ападкі ў выглядзе дажджу, мокрага снегу і снегу. Месцамі слабыя туман і галалёд. На асобных участках дарог галалёдзіца. Вецер пераменных напрамкаў, 3–8 м/с. Тэмпература паветра ўначы ад −5 °С па поўначы да +3 °С па паўднёвым захадзе, днём −1... +5 °С.
