Ноччу 25 красавіка ў многіх раёнах Віцебскай вобласці чакаюцца замаразкі ад нуля да мінус 3 градусаў, аб’яўлена штармавое папярэджанне. Аб гэтым паведамілі ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
У суботу будзе воблачна з праясненнямі. Месцамі пройдуць невялікія ападкі (дождж, ноччу і раніцай магчымы мокры снег). Вецер прагназуецца заходні, паўднёва-заходні 4-9 м/с, днём з парывамі да 14 м/с.
Тэмпература паветра ноччу складзе 1-7 градусаў цяпла, у многіх раёнах Віцебскай вобласці чакаюцца замаразкі ад нуля да мінус 3 градусаў. Тэмпература паветра днём складзе ад плюс 11 градусаў па паўночным усходзе да плюс 18 градусаў па паўднёвым захадзе.
