«Мы бачылі, што на пачатковым этапе Польшча пайшла на повадзе ў Бруселя і НАТА і спрабавала заблакаваць транзіт праз мяжу з нашай краінай. У далейшым здаровы сэнс перамог, і Варшава зараз прымае рашэнне аб адкрыцці асноўных пунктаў пропуску», — адзначыў Аляксей Аўдонін. 

Чаму гэта адбылося? «Польшча з’яўляецца транзітнай краінай. Праз яе ідзе асноўны паток тавараў з Кітая, а таксама з Азіяцка-Ціхаакіянскага рэгіёну ў цэлым. На Польшчу аказалі ціск буйныя карпарацыі, банкі, зацікаўленыя ў тым, каб рух захоўваўся і тавары дастаўляліся на еўрапейскі рынак. У сувязі з гэтым польскае кіраўніцтва прыняло дастаткова ўзважанае фінансава-эканамічнае рашэнне аб тым, каб не эскаляваць сітуацыю, а адкрыць межы і далей рухацца ўжо ў рэжыме прагматызму», — упэўнены аналітык.

Як паведамлялася раней, улады Польшчы маюць намер 17 лістапада аднавіць працу двух закрытых у папярэднія гады пагранпераходаў на мяжы з Беларуссю ў Баброўніках і Кузніцы. Адпаведнае распараджэнне выдаў кіраўнік польскага МУС Марчын Кервінскі.