Арктычныя паветраныя масы днямі зменяцца на больш цёплыя, што прынясе тэмпературныя «арэлі», паведамілі ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.

У аўторак надвор’е будзе вызначаць вобласць павышанага атмасфернага ціску, сфарміраваная ў арктычнай паветранай масе. Пераменная воблачнасць, пераважна без ападкаў. Уначы і раніцай месцамі будзе згушчацца слабы туман. У асобных раёнах чакаецца галалёд, на дарогах галалёдзіца. Вецер няўстойлівы слабы. Тэмпература паветра ноччу складзе ад мінус 19 °С па поўначы да мінус 30 °С па поўдні краіны. Днём будзе мінус 10–16 °С.

У сераду на большай частцы тэрыторыі захаваецца ўплыў вобласці павышанага атмасфернага ціску. Раніцай і днём па захадзе і поўдні надвор’е будзе вызначаць малаактыўны фронт, які ссоўваецца з Карпат. Воблачна з праясненнямі. Пераважна без ападкаў, толькі раніцай і днём на захадзе і поўдні пройдзе невялікі кароткачасовы снег. Месцамі чакаюцца галалёд, слабы туман і намаразь. На асобных участках дарог галалёдзіца. Вецер ноччу пераменных напрамкаў, днём усходні, паўднёва-ўсходні ўмераны, парывісты. Тэмпература паветра ноччу складзе ад мінус 16 °С па паўднёвым захадзе да мінус 27 °С па ўсходзе, пры праясненнях паветра будзе астуджацца да мінус 30 °С. Днём чакаецца мінус 10–17 °С, па паўднёвым захадзе — мінус 7-9 °С.

У чацвер з поўдня Еўропы чакаецца перамяшчэнне сістэмы франтоў і цёплых паветраных мас. Воблачна. На большай частцы тэрыторыі пройдуць ападкі (снег, мокры снег, днём па захадзе краіны магчымы дождж). У асобных раёнах чакаюцца моцны снег, мокры снег. Месцамі галалёд, завіруха, на дарогах галалёдзіца. Вецер паўднёва-ўсходні парывісты. Тэмпература паветра ноччу складзе ад мінус 7 °С па паўднёвым захадзе да мінус 26 °С па паўночным усходзе краіны. Днём будзе мінус 4–11 °С, па паўночным усходзе — да мінус 14 °С, у заходніх раёнах — ад нуля да мінус 3 °С.

Паводле БелТА