Інцыдэнт адбыўся ў вёсцы Ліпава Жывецкага павета. Інфармацыя пра трагедыю паступіла на гарачую лінію радыёстанцыі RMF FM, пазней яе пацвердзілі і ўлады.

Па словах прадстаўніка дзяржаўнай пажарнай службы ў Жыўцы Томаша Каладзея, паведамленне аб крушэнні самалёта паступіла ў 9.36 па мясцовым часе. Адзначаецца, што пры пасадцы самалёта з невядомай прычыны адбыўся збой, і паветранае судна разбілася. На борце самалёта былі знойдзеныя целы двух чалавек. 

На месцы працуюць экстранныя службы, у прыватнасці, шэсць пажарных разлікаў, паліцыя і пракуратура.