Лодкападобныя дамы вёскі Байча на востраве Хайнань (Паўднёвы Кітай) — традыцыйнае жыллё народнасці лі, перадае «Жэньмінь жыбаа» анлайн». 

Сваю назву яны атрымалі за падабенства з лодкай: знешне нагадваюць навясную лодку, а ўсярэдзіне ўладкованыя як трум. Для іх будаўніцтва выкарыстоўваюцца мясцовыя матэрыялы: спецыяльныя пароды дрэва, бамбук, белы ратанг і салома.

Лодачная канструкцыя дэманструе мудрасць народнасці лі ў барацьбе з прыроднымі ўмовамі — яна ўстойлівая да ветру, абараняе ад дажджу, забяспечвае вентыляцыю і прадухіляе волкасць.

У вёсцы Байча да нашых дзён захавалася 87 лодкападобных дамоў. Гэта адзіная ў Кітаі поўнасцю захаваная старажытная вёска з такімі будынкамі. У 2008 годзе мастацтва ўзвядзення лодкападобных дамоў народнасці лі было ўключана ў другі спіс нацыянальнай нематэрыяльнай культурнай спадчыны Кітая.