Як вядома, Прэзідэнт Аляксандр Лукашэнка неаднаразова заяўляў, што наша краіна заўсёды прытрымліваецца міралюбівай палітыкі, маючы на ўвазе прыярытэт развіцця ўласнай сістэмы бяспекі і ваеннага супрацоўніцтва з дружалюбнымі краінамі. Беларуская армія ніколі нікому не пагражала, не пагражае і пагражаць не збіраецца. Яна з’яўляецца інструментам недапушчэння вайны, а ў выпадку агрэсіі павінна быць здольная не толькі яе адбіць, але і нанесці непрымальную шкоду праціўніку. Гэта ж датычыцца і ўсяго сілавога блока. Зусім нядаўна, напрыклад, Прэзідэнтам зацверджана рашэнне на ахову дзяржаўнай граніцы ў 2025 годзе.
Гэтыя і іншыя дзеянні кіраўніцтва краіны маюць свой станоўчы эфект. У прыватнасці, як заявіў у эфіры тэлеканала Беларусь 1 Дзяржаўны сакратар Савета бяспекі Аляксандр Вальфовіч, на гэты момант няма прыкмет развязвання агрэсіі ў адносінах да Беларусі.
«Людзі ў пагонах сваю задачу па забеспячэнні бяспекі электаральнай кампаніі, непасрэдна выбараў выканалі. Але гэта прыватная задача. Перад намі стаіць больш шырокая задача — гарантаваць у цэлым бяспеку нашай краіны. Таму мы працягваем вырашаць комплексна гэтыя задачы», — адзначыў дзяржсакратар Савета бяспекі.
Адказваючы на пытанне аб верагоднасці эскалацыі абстаноўкі, Аляксандр Вальфовіч сказаў: «Выключаць яе нельга. На сёння, прынамсі, мы не бачым тых прыкмет, якія б пагражалі і гаварылі аб развязванні нейкай патэнцыяльнай агрэсіі ў адносінах да Рэспублікі Беларусь. Але колькасць вучэнняў і тыя крокі, якія робіць кааліцыя заходніх краін, вядома, яны не супакойваюць».
Аляксандр Вальфовіч у прыватнасці згадаў аб рашэннях камітэта начальнікаў штабоў, на якім было прынята рашэнне аб значным павелічэнні ваенных бюджэтаў шэрагу краін, у тым ліку найбліжэйшых суседзяў Беларусі — Польшчы і краін Балтыі. «Гэта значыць, што расходы, якія будуць патрачаны Польшчай, Літвой, Латвіяй на ваенныя патрэбы, зашкальваюць звыш разумных лічбаў. У гэтым няма ніякай абсалютна неабходнасці», — падкрэсліў дзяржаўны сакратар Савета бяспекі.
- Ён дадаў, што ў суседніх краінах цудоўна бачаць, што з боку Беларусі ў адносінах да іх не зыходзіць ніякіх пагроз, у тым ліку ваенных.
У сваю чаргу начальнік упраўлення тэрытарыяльнай абароны — намеснік начальніка Генеральнага штаба Узброеных Сіл Беларусі Андрэй Краўчанка адзначыў, што і тэрытарыяльная абарона, па сутнасці рэзерв Узброеных Сіл, выконвае дадатковыя і дзесьці нават асноўныя задачы ў гэтым плане. На прыкладзе ўсіх лакальных канфліктаў, вопыце спецыяльнай ваеннай аперацыі, сказаў ён тэлеканалу СТВ, мы бачым, што пытанні тэрытарыяльнай абароны — ключавы момант. У тэрытарыяльнай абароны задач шмат. «Гэта ахова і абарона аб’ектаў, барацьба з адпаведнымі сіламі. Але разам з тым мы разумеем, што недзе ў пэўных момантах мы будзем выконваць задачы сумесна з Узброенымі Сіламі па адбіцці магчымых фактараў агрэсіі», — дадаў начальнік упраўлення.
