«Форум стаў значнай падзеяй у рамках Года прамысловай кааперацыі паміж дзвюма краінамі. Мерапрыемства, арганізаванае пры падтрымцы профільных ведамстваў, пасольстваў і гандлёва-прамысловых палат, прадэманстравала высокі ўзровень зацікаўленасці кітайскага бізнесу ў беларускай прадукцыі перапрацоўчай прамысловасці», — расказалі ў прэс-службе.

У мерапрыемстве прынялі ўдзел 21 прадпрыемства з усіх рэгіёнаў Беларусі, якое прадстаўляе мясную, малочную, садавінагароднінную і іншыя галіны перапрацоўкі. Кітайскі бок прадстаўлялі больш за 180 кампаній і 14 галіновых асацыяцый. 

Дзелавая праграма ўключала прэзентацыйныя сесіі, B2B-перагаворы і экспертныя дыскусіі. За два дні работы пляцоўкі было арганізавана больш як 130 сустрэч і перагавораў, у ходзе якіх бакі абмеркавалі пытанні лагістыкі, сертыфікацыі, маркетынгавага прасоўвання і адаптацыі беларускай прадукцыі да патрабаванняў кітайскага спажыўца.

Па выніках форуму беларускімі прадпрыемствамі падпісана 15 камерцыйных кантрактаў на агульную суму звыш $70 млн. Дакументы прадугледжваюць пастаўкі малочнай прадукцыі, мясных далікатэсаў, кандытарскіх вырабаў і іншых тавараў з высокай дабаўленай вартасцю.

Акрамя таго, дасягнуты шэраг прынцыповых дамоўленасцяў аб пачатку працэдур рэгістрацыі прадпрыемстваў і запуску пілотных партый прадукцыі. Гэтыя крокі ствараюць аснову для сістэмнага нарошчвання экспарту ў сярэднетэрміновай перспектыве. Для некаторых беларускіх прадпрыемстваў гэта стала першым досведам прамога дыялогу з прадстаўнікамі рознічных сетак і дыстрыб'ютарскіх кампаній КНР.