У міліцыю звярнуліся дзве мінчанкі, якія згубілі свае кашалькі ў грамадскіх месцах. Сышчыкі ўстанавілі, што ў першым выпадку пенсіянерка забрала сабе чужы кашалёк, пакінуты ў аўтобусе. З яго яна выдаткавала Br150 на асабістыя патрэбы, а замежную валюту не паспела — яе канфіскавалі праваахоўнікі. У другім выпадку 60-гадовы мінчанін забраў кашалёк, які мінчанка выпусціла каля крамы. Сабе мужчына пакінуў кашалёк з грашыма, а дакументы і карты закінуў у паштовую скрыню заяўніцы.

Праваахоўнікі нагадалі, што маёмасць, часова пакінутая ўласнікам без нагляду (забытая або страчаная), лічыцца змешчанай у яго валоданні. Завалоданне ёй кваліфікуецца як крадзеж.