Кампанія «Прамтэхінавацыі» з беларускім капіталам плануе развіваць у парку вытворчасць станкоў з лічбавым праграмным кіраваннем, у тым ліку станкоў лазернай рэзкі, станін, а таксама аказваць паслугі дакладнай механічнай апрацоўкі вузлоў прамысловага абсталявання, паведамілі ў адміністрацыі парку.
Тут адзначылі, што вытворчы працэс новага рэзідэнта спалучае перадавыя тэхналогіі ў галіне станкабудавання — мінеральнае ліццё з высокатрывалага бетону, апрацоўку станін метадам фрэзероўкі за адну ўстаноўку, чыставую высакахуткасную апрацоўку.
— Рэалізацыя інвестыцыйнага праекта дазволіць вырашыць задачы імпартазамяшчэння і забяспечыць машынабудаўнічыя прадпрыемствы Беларусі высокадакладным, аўтаматызаваным і прадукцыйным абсталяваннем, а таксама будзе спрыяць развіццю стартапаў у галіне машынабудавання, — запэўнілі ў адміністрацыі «Вялікага каменя».
