За мінулыя выхадныя ў вобласці зарэгістравана 49 ДТЗ без пацярпелых, дзе транспарт атрымаў механічныя пашкоджанні.

Супрацоўнікі абласной ДАІ выявілі больш за 1,5 тыс. парушэнняў з боку ўдзельнікаў дарожнага руху. Затрымана 18 нецвярозых вадзіцеляў, спынена 50 фактаў кіравання транспартнымі сродкамі асобамі, якія не маюць права кіравання, 41 факт невыкарыстання зімовых шын пры ўдзеле транспарту ў дарожным руху, выяўлена больш за 200 фактаў невыкарыстання рамянёў бяспекі. Таксама 76 вадзіцеляў грэбавалі правіламі бяспечнай перавозкі непаўналетніх пасажыраў.

Акрамя таго, больш за 290 уразлівых удзельнікаў дарожнага руху (пешаходы, веласіпедысты) прыцягнуты да адміністрацыйнай адказнасці. З іх 58 знаходзіліся ў нецвярозым стане і былі выдалены з праезнай часткі, больш за 110 не былі пазначаны святлоадбівальнымі элементамі.