За мінулыя выхадныя ў Мінскай вобласці зарэгістравана 55 фактаў ДТЗ без пацярпелых, дзе транспартныя сродкі атрымалі механічныя пашкоджанні. Супрацоўнікамі абласной ДАІ выяўлена больш за 1,4 тыс. парушэнняў з боку ўдзельнікаў дарожнага руху. Затрымана 10 нецвярозых вадзіцеляў, спынена 35 фактаў кіравання транспартнымі сродкамі асобамі, якія не маюць права кіравання, 13 фактаў невыкарыстання зімовых шын пры ўдзеле транспарту ў дарожным руху, а таксама 82 вадзіцелі грэбавалі правіламі бяспечнай перавозкі непаўналетніх пасажыраў.

Акрамя таго, больш за 250 уразлівых удзельнікаў дарожнага руху (пешаходы, веласіпедысты) прыцягнуты да адміністрацыйнай адказнасці, з якіх 47 знаходзіліся ў нецвярозым стане і былі выдалены з праезнай часткі, больш за 90 не былі пазначаныя святлоадбівальнымі элементамі.

Дзяржаўтаінспекцыя звяртае ўвагу ўдзельнікаў дарожнага руху на няўхільнае выкананне правілаў дарожнага руху. Неабходна быць вельмі асцярожнымі і ўзаемаветлівымі на дарозе, улічваць умовы надвор’я і дарожныя ўмовы.