Раней у СМІ з’явілася інфармацыя аб тым, што грамадзянская гвардыя і Служба мытнага кантролю Іспаніі ліквідавалі злачынную арганізацыю, якая займалася вытворчасцю і распаўсюджваннем кантрафактнай і кантрабанднай тытунёвай прадукцыі ў правінцыях Малага, Кордава і Севілья. Паведамлялася, што ў выніку аперацыі вызвалены 18 чалавек розных нацыянальнасцяў, уключаючы грамадзян Беларусі, Кітая і В’етнама, якіх прымушалі працаваць у нечалавечых умовах.

Міністэрства замежных спраў Беларусі вядзе работу па ўдакладненні гэтай інфармацыі. Пасольства Беларусі ў Іспаніі знаходзіцца ў кантакце з паліцыяй. У выпадку неабходнасці грамадзянам Беларусі будзе аказана неабходная консульска-прававая дапамога.