«Па папярэдніх даных, група з пяці беларускіх турыстаў здзяйсняла сплаў па рацэ. У лодцы знаходзілася сямейная пара. Жанчына выпала за борт, муж паспрабаваў выратаваць яе, скокнуўшы ў ваду, але, на жаль, зрабіць гэта не ўдалося. Мужчына самастойна выбраўся на бераг. Астатнія члены групы не пацярпелі. Група застаецца на месцы пад наглядам ратавальнікаў», — адзначылі ў МЗС.

Паводле інфармацыі МНС Расіі, на працягу бліжэйшых 36 гадзін плануецца эвакуацыя.

МЗС і пасольства Беларусі ў Расіі знаходзяцца ў пастаянным кантакце з мясцовымі органамі ўлады, ратавальнымі службамі. Сітуацыя знаходзіцца на асаблівым кантролі.

«Міністэрства выказвае шчырыя спачуванні сям’і і блізкім загінулай. Уся магчымая консульская дапамога будзе аказана», — падкрэслілі ў МЗС.