«Грамадзянам Беларусі, якія плануюць паездкі ў Іран у сувязі з неадкладнай неабходнасцю, варта абавязкова ўлічваць афіцыйныя паведамленні авіяцыйных улад (NOTAM) аб увядзенні абмежаванняў на выкарыстанне паветранай прасторы, паведамленні авіякампаній аб змене графіка палётаў у Іран, а таксама інфармацыю аб магчымых зменах у рабоце аэрапортаў», — растлумачылі ў прэс-службе Міністэрства замежных спраў.

«Для беларускіх грамадзян, якія ўжо знаходзяцца на тэрыторыі Ірана, дзейнічаюць стандартныя рэкамендацыі ва ўмовах ускладненай абстаноўкі: выконваць мясцовае заканадаўства, прытрымлівацца распараджэнняў афіцыйных асоб, праяўляць абачлівасць і пазбягаць месцаў масавага збору людзей», — падкрэслілі ў МЗС Беларусі.