Так званыя фірмы-пасярэднікі эфектыўна ўжываюць уяўныя схемы пастаўкі транспартных сродкаў з-за мяжы, расказалі ў прэс-службе Мытнага камітэта Беларусі.

Пасля таго як грошы пераведзеныя, аўто яшчэ не ва ўладальніка, а нібыта на мяжы, пачынаюць пытацца з мытных органаў.

Часта да іх паступаюць такія пытанні (з апошніх):

• «Аплаціў мытную пошліну, фірма патрабуе выплаты дадатковых плацяжоў па прычыне затрымання аўто мытняй»

• «У фірмы набыў аўто, мне даслалі гэтыя дакументы, па іх атрымліваецца, што іх выдала ваша мытня. Пытанне, вы іх выдавалі ці не?»

• «Хачу купіць аўтамабіль у кампаніі. Бо вельмі шмат махляроў, прашу пацвердзіць выдадзены дакумент»

• «Гэты дакумент адправіла мне кампанія па продажы аўтамабіля і патрабуе аплаты мытнай пошліны».

Даходзіць да таго, што не атрымліваючы адказу ад «пастаўшчыкоў», грамадзяне прыязджаюць прама на мытню, за сваім аўто. Разумеючы, што іх падманулі, вяртаюцца дадому ні з чым.

«Беларуская мытня неаднаразова папярэджвала-будзьце пільнымі пры выбары пасярэднікаў, дасканала вывучайце дакументы, што накіроўваюцца вам для выплаты мытных плацяжоў, утылізацыйнага збору, названыя ў іх звесткі, прастаўленыя на іх пячаткі», — нагадалі ў ДМК.

Там жа звярнулі ўвагу на выкарыстанне ашуканцамі тэрмінаў, якіх няма ў мытным заканадаўстве, указанне неіснуючых найменняў падраздзяленняў. Напрыклад," Цэнтральная акцызная мытня«, «Брэсцкі мытны пост», «Мытны рэжым».