«У Гомельскі РАУС паступіла паведамленне аб тым, што ў полі паблізу пасёлка Цагельня грыбнікі знайшлі труп 68-гадовага мясцовага жыхара», — расказаў начальнік аддзела 8-га ўпраўлення па Гомельскай вобласці ГУБАЗіК МУС Павел Мазур.

Да раскрыцця злачынства падключыліся супрацоўнікі Гомельскага абласнога ўпраўлення ГУБАЗіК, бо раны на целе забітага сведчылі аб гвалтоўным характары смерці.

Падазроны ў здзяйсненні забойства затрыманы.

Устаноўлена, што затрыманы і забіты мужчына працавалі разам на індывідуальнага прадпрымальніка, займаліся зборам агародніны.

«Папярэдне ўстаноўлена, што пасля сумеснага застолля мужчыны пайшлі ў суседні пасёлак, па дарозе паміж імі ўзнік канфлікт», — расказаў Мазур.

Раней судзімы нанёс свайму спадарожніку нажавыя раненні ў вобласць шыі і твару, пасля чаго пабіў мужчыну і ўцёк.

Следчымі распачата крымінальная справа за забойства, падазроны затрыманы, ідуць следчыя дзеянні.