Моцны снег і галалёд чакаецца ў Беларусі 27 студзеня. Аб гэтым паведамілі ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
27 студзеня на большай частцы тэрыторыі Беларусі чакаюцца ападкі (снег, мокры снег, дождж), па паўночна-ўсходняй палове моцны снег. У многіх раёнах галалёд, на дарогах галалёдзіца. Месцамі туман, наліпанне мокрага снегу.
Тэмпература паветра ноччу складзе мінус 2-8 градусаў, па паўднёвым захадзе ад мінус 1 да плюс 2, днём тэмпература будзе вар’іравацца ад мінус 4 да плюс 2.
