«У адпаведнасці з даручэннем кіраўніка дзяржавы 66 работнікаў рэспубліканскага атрада спецыяльнага прызначэння „ЗУБР“ МНС, 4 кіналагічныя разлікі і неабходная тэхніка пераведзены ў рэжым павышанай гатоўнасці да рэагавання», — праінфармаваў міністр па надзвычайных сітуацыях Вадзім Сіняўскі.

На гэты момант у адпаведнасці з міжнароднымі працэдурамі чакаецца запыт аб дапамозе ад пацярпелага боку. 

28 сакавіка ў М’янме ў 12.50 па мясцовым часе адбылося землетрасенне магнітудай 7.7 балаў па шкале Рыхтэра на глыбіні 10 км (паўторны штуршок 6.7). У зону землетрасення, паводле ацэнак, трапляе 18,3 млн чалавек. Улады М’янмы аб’явілі надзвычайнае становішча ў рэгіёнах Сагайн, Мандалай, Магуэй, Бага, штат Істэр-Шан і Нейп’іда.

Як паведамлялася, Аляксандр Лукашэнка выказаў спачуванні старшыні Дзяржаўнага адміністрацыйнага савета, прэм’ер-міністру Рэспублікі Саюз М’янма Мін Аун Хлайну ў сувязі з наступствамі землетрасення.

«З вялікім болем у Беларусі ўспрынялі навіну аб моцным землетрасенні ў М’янме, якое прывяло да чалавечых ахвяр і шматлікіх разбурэнняў. Ад імя сваіх суайчыннікаў і сябе асабіста выказваю словы глыбокага спачування Вашаму Правасхадзіцельству, сем’ям загінулых і пацярпелым у выніку стыхійнага бедства. У гэты складаны час нашы думкі застаюцца з кіраўніцтвам і ўсім народам М’янмы», — гаворыцца ў спачуванні.

Аляксандр Лукашэнка пажадаў хутчэйшага выздараўлення параненым і стабілізацыі сітуацыі.