Міжнародная федэрацыя функцыянальнага мнагабор'я (IFFF) аб'явіла аб допуску спартсменаў з Беларусі і Расіі да спаборніцтваў пад сваёй эгідай. Пра гэта паведаміла БелТА са спасылкай на прэс-службу IFFF.
У заяве федэрацыі гаворыцца, што беларускія і расійскія спартсмены зноў змогуць спаборнічаць на міжнародных стартах з нацыянальнай сімволікай, а таксама выступаць у камандных турнірах. У IFFF разлічваюць, што прадстаўнікі Беларусі і Расіі прымуць удзел у бліжэйшым чэмпіянаце свету.
Міжнародная федэрацыя працягне прытрымлівацца рэкамендацый МАК і ўлічваць любыя наступныя змены.
