Асноўная стаўка будзе зроблена на сучасныя матэрыялы — пластыкі халоднага і гарачага нанясення. Сярод іх галоўных пераваг — выдатная бачнасць, трываласць, устойлівасць да рэагентаў і эканамічнасць нанясення.

Сіняя разметка і веласіпедныя дарожкі

Паводле слоў кіраўніка прадпрыемства, у Мінску працягнуць наносіць сінюю разметку ў зоне платных парковак. Яна дапамагае кіроўцам арыентавацца і своечасова разумець, што знаходжанне тут патрабуе аплаты.

Не пакінуць без увагі і веласіпедную інфраструктуру: разметку абновяць на ўжо існуючых маршрутах і нанясуць на новых лакацыях.

Ад МКАД да спальных раёнаў

Першачарговыя аб’екты, дзе запрацуюць мабільныя экіпажы, — Мінская кальцавая аўтамабільная дарога, каркасныя вуліцы, а потым і спальныя раёны сталіцы.

Як удакладніў Вячаслаў Савіч, цэнтр горада ўжо забяспечаны інавацыйнымі матэрыяламі, таму сёлета акцэнт зрушыцца на тэрыторыі, бліжэйшыя да жылых кварталаў.

Навінка сезона — двухкампанентная фарба

Сёлета дарожнікі плануюць выкарыстоўваць новы прадукт — двухкампанентную фарбу, якую прапанавалі вытворцы. Яна значна лепш трымаецца на дарожным палатне і забяспечвае добры арыенцір для кіроўцаў. Гэты кірунак абяцаюць пашыраць.

Асноўнымі пастаўшчыкамі фарбавальнай сумесі выступяць айчынныя прадпрыемствы — лідскае ААТ «Лакафарба», ТАА «Заслаўскі лакафарбавы завод» і вытворцы з Брэста.

Надзея ЗУЕВА