Як расказалі будаўнікі на самай вядомай будоўлі ў сталіцы сёння дэмантуюць апошні вежавы кран, які закончыў сваю работу і будзе адпраўлены на іншы аб’ект. Будаўніцтва гістарычнага музея пераходзіць да этапу аддзелачных работ.

У цяперашні час на аб’екце працуюць каля 340 чалавек, якія сканцэнтраваны на ўнутраных работах. Тынкоўшчыкі, сцяжачнікі і электрамантажнікі актыўна займаюцца пракладкай слабаточных сістэм, кандыцыянавання і пажаратушэння. У экспазіцыйных залах прыступілі да мантажу ўнутраных перагародак: на трох паверхах каркасы ўжо гатовыя — ідзе зашыўка гіпсакардонам. 

Фасадчыкі таксама не адстаюць — на 50 % выканана ўцяпленне будынка, яго абліцоўваюць керамагранітам і манціруюць вітражы. Вядуцца таксама дахавыя работы. 

Акрамя таго, з вуліцы Арлоўскай пры ўваходзе на плошчу перад музеем з’явіліся будаўнічыя рыштаванні. Тут будзе запрашальны ўваходны партал, які нагадвае лунаючага ў небе бусла. Будаўнікі падкрэслілі, што без сумненняў, новы гістарычны музей стане нацыянальным гонарам беларусаў.

«Мы завяршылі будаўніцтва новай трансфарматарнай падстанцыі і рыхтуем яе да ўводу. Гэта дазволіць падключыць будынак музея да электраацяплення і паскорыць аздабленне. У сярэдзіне снежня плануем прыступіць да шпатлявання і афарбоўкі сцен, наліўных падлог, афарбоўкі прасторы для наступнага мантажу ў выставачных залах ячэістых падвесных столяў», — дапоўніў начальнік участка генпадраднага БУ-7 будтрэста № 4 Дзмітрый Харытонаў.