Адзначаецца, што мэтамі кампаніі з’яўляюцца прадухіленне распаўсюджвання сумніку канадскага, захаванне біялагічнай разнастайнасці, павышэнне экалагічнай дасведчанасці насельніцтва, а таксама інфармаванне грамадзян аб зменах у заканадаўстве, якія ўступілі ў сілу.

— Гэтыя змены прадугледжваюць абавязак уладальнікаў і карыстальнікаў зямельных участкаў прымаць меры па рэгуляванні распаўсюджвання інвазійных відаў раслін, — растлумачылі ў ведамстве.

У рамках кампаніі Мінпрыроды запрашае ўстановы адукацыі, якія далучыліся да праекта «Зялёныя школы», прыняць удзел у экачэленджы і паказаць на практыцы, як трэба абараняць родную прыроду. Для гэтага неабходна падрыхтаваць відэаролік аб барацьбе з сумнікам, апублікаваць яго ў TikTok або Instagram і выкарыстоўваць хэштэг #Небяспечнае_золата.

Ідэямі для відэа могуць паслужыць пошук і выдаленне сумніку на прыдамавых тэрыторыях, на вуліцах і ў грамадскіх месцах; практычныя парады па бяспечным выдаленні расліны; экаўрокі, акцыі і тлумачальная работа сярод насельніцтва з удзелам педагогаў і навучэнцаў.

Аўтары самых змястоўных і папулярных ролікаў па ахопе аўдыторыі будуць адзначаны памятнымі падарункамі ад Мінпрыроды.