Школа-інтэрнат у Мсціслаўлі кожны год прыгажэе дзякуючы дапамозе міліцыянераў. У год свайго 100-гадовага юбілею ўстанова зноў сардэчна сустрэла гасцей у пагонах. Выхаванцы з нецярпеннем іх чакалі, з радасцю дзяліліся сваімі поспехамі і планамі.
«Сюды, у Мсціслаў, мы прыязджаем не як госці, а як сябры, — звяртаючыся да дзяцей, адзначыў Іван Кубракоў. — Усе чакаюць ад Новага года цуду. Калі верыць у чараўніцтва, яно абавязкова адбудзецца! А мы, дарослыя, зробім для гэтага ўсё неабходнае»
Міністр унутраных спраў выказаў удзячнасць педагогам за неабыякавасць і добрыя сэрцы, павіншаваў усіх з надыходзячымі святамі. Ад міліцэйскага ведамства школе-інтэрнату перададзены сертыфікат на каштоўны падарунак. Кожнае дзіця атрымала з рук генерала набор прысмакаў, падарунак ад супрацоўнікаў цэнтральнага апарату МУС для развіцця мастацкай творчасці дзяцей і мяккую цацку — сімвал наступнага года. Па запрашэнні МУС хлопчыкі і дзяўчаткі наведаюць Галоўную ёлку краіны ў Палацы Рэспублікі.
Наведваючы ў рамках акцыі «Нашы дзеці» Магілёўскі спецыялізаваны ліцэй МУС, Іван Кубракоў азнаёміўся з матэрыяльна-тэхнічнай базай установы, яе добраўпарадкаваннем. Міністр выказаў удзячнасць навучэнцам за іх прафесійны выбар і добрую вучобу, выкладчыкам — за прафесіяналізм, а бацькам — за давер. Навагоднія падарункі ад кіраўніка міліцэйскага ведамства чакалі не толькі ліцэістаў, але і ўстанову адукацыі.
Вераніка КАНЮТА
Фота прэс-службы МУС
