Па словах Ірыны Кірэевай, асноўныя выклікі для здароўя людзей звязаныя з ростам неінфекцыйных захворванняў ва ўсіх краінах свету, не толькі ў нашай. «І таму на першы план выходзяць у нас мерапрыемствы па дыспансерызацыі. Гэта асноўны крок, які можа зрабіць Міністэрства аховы здароўя. І мы ўжо актыўна працуем у гэтым кірунку, — паведаміла яна. — За 2025 год у нас больш за 95 % насельніцтва прайшло дыспансерызацыю. І дзяржава ў гэтым плане шмат робіць — у Беларусі нават з’явіўся дзень дыспансерызацыі: кожны чалавек можа прайсці поўны медыцынскі агляд за адзін дзень».

Праводзіцца і скрынінг паталогій шыйкі маткі. «У 2025 годзе абследавана 428 тыс. чалавек, выяўлена 1447 выпадкаў раку шыйкі маткі, Больш за 99 % — на першых стадыях. Ранняе выяўленне забяспечвае паспяховае лячэнне і ратуе жыцці», — звярнула ўвагу Ірына Кірэева.