Мінфін апублікаваў новыя цэны на золата, серабро і плаціну пры скупцы ў беларусаў.
У Беларусі мяняюцца цэны на каштоўныя металы ў вырабах і ломе пры скупцы ў фізічных асоб, паведамілі ў Міністэрстве фінансаў.
Так, цэны на золата, якое скупляецца ў насельніцтва, павялічыліся на 3,41%. У выніку падаражэла золата 375-й (да 152,53 рубля за грам), 500-й (203,37 рубля), 583-й і 585-й (237,94 рубля), 750-й (305,06 рубля), 900-й (366,07 рубля), 916-й (372,57 рубля), 950-й (386,4 рубля) і 958-й пробы (389,6).
Аднак калі золата на скупцы падаражэла, то плаціна, напрыклад, патаннела на 14,5%. І за грам плаціны 950-й пробы можна будзе атрымаць ужо толькі 163,44 рубля. Кошт паладыя знізіўся на 17,6%.
І таксама ў Беларусі патаннела на 12,4% серабро. За грам серабра 750-й пробы прапануюць толькі 4,76 рубля, 800-й — 5,07, 875-й — 5,55 рубля, 916-й — 5,81 рубля, 925-й — 5,86 рубля, 960-й — 6,09 рубля.
Адкарэктаваны і цэны для іншых проб. Напрыклад, на золата вызначылі суму ў 393,32 рубля за грам у чысціні, на серабро — 6,34 рубля, плаціну — 172,04 рубля, паладый — 128,07 рубля.— Новыя цэны будуць дзейнічаць з 15 красавіка, — пракаменціравалі ў Мінфіне.
