У лістападзе гэтага года работнікі аддзела кадраў аднаго са сталічных прадпрыемстваў звярнуліся ў міліцыю. Падставай для гэтага паслужылі бальнічныя лісты, прад’яўленыя спецыялістам па прыборцы тэрыторыі па месцы працы.

Для ўстанаўлення ісціны па справе праваахоўнікі канфіскавалі дакументы і накіравалі ў Фрунзенскі (горада Мінска) раённы аддзел Дзяржаўнага камітэта судовых экспертыз для правядзення судовай тэхнічнай экспертызы дакументаў (рэквізітаў дакументаў).

Судовы эксперт устанавіў, што ў прадстаўленыя лісткі непрацаздольнасці ўносіліся тэхнічныя змены. Мінчанін закрэсліў шарыкавай ручкай першапачатковы змест тэксту — «Алкагольнае ап’яненне», размешчанага ў радку «асаблівыя адзнакі» пад запісам «Траўма ад 02.10.2025».

Такім чынам 46-гадовы мінчанін вырашыў скрыць факт атрымання траўмы, будучы ў стане алкагольнага ап’янення.

Па дадзеным факце Фрунзенскім (горада Мінска) раённым аддзелам Следчага камітэта заведзена крымінальная справа па прыкметах саставу злачынства, прадугледжанага арт. 380 КК.