Як паведаміла начальнік Галоўнага ўпраўлення гандлю і паслуг Мінгарвыканкама Алена Нагорная, па стане на 27 кастрычніка ў сталіцы прайшло ўжо 130 кірмашоў з нарастаючым вынікам.
Традыцыйныя ўдзельнікі кірмашоў — арганізацыі-вытворцы, спажыўкааперацыя, сялянскія фермерскія гаспадаркі і фізічныя асобы. Набыць на такіх кірмашах можна бульбу, разнастайную агародніну, журавіны, арэхі, яблыкі, грушы і многае іншае — усё ў шырокім асартыменце.
Плануецца, што яны працягнуць дзейнічаць да 7 снежня. Аднак гэта будзе залежаць ад таго, наколькі спрыяльнымі акажуцца ўмовы надвор’я.
