Міністр абароны Пакістана Хаваджа Асіф заявіў, што цяпер яго краіна і ўрад талібаў у Афганістане знаходзяцца ў стане непрыкрытага ўзброенага супрацьстаяння. Пра гэта паведамляе БелТА.
«Чаша нашага цярпення перапоўненая. Зараз гэта адкрытая вайна паміж намі і вамі», — напісаў ён, выказаўшы ўпэўненасць, што з прычыны суседства дзвюх краін пакістанскія вайскоўцы добра ведаюць свайго праціўніка і яго слабыя бакі.
Асіф абвінаваціў Кабул у «ператварэнні Афганістана ў калонію Індыі», заахвочванні і экспарце тэрарызму, прыгнёце насельніцтва. «Яны пазбавілі ўласны народ асноўных правоў чалавека. Яны адабралі правы, якія Іслам гарантуе жанчынам», — падкрэсліў міністр.
Увечары ў чацвер на пакістанска-афганскай граніцы пачаліся баі. У Кабуле заявілі, што пачалі ваенную аперацыю ў адказ на авіяўдары Пакістану і захапілі 15 пагранічных пастоў. Ісламабад паведаміў аб знішчэнні афганскіх умацаванняў і тэхнікі ў ходзе дзеянняў у адказ. Сутыкненні на граніцы працягваюцца. Армія Пакістана прымяняе стралковую зброю, артылерыю і ўдарныя беспілотнікі.
