У прыватнасці, як было адзначана, у папярэднім годзе прафсаюзам асаблівая ўвага была ўдзелена развіццю сацыяльнага партнёрства. Так, за год упершыню было заключана 45 новых калектыўных дагавораў на прадпрыемствах, дзе ёсць пярвічныя прафсаюзныя арганізацыі галіновага прафсаюза. У цэлым жа ў сістэме прафсаюза дзейнічае звыш 2100 калектыўных дагавораў. Гэта дае магчымасць прадастаўляць работнікам гэтых прадпрыемстваў дадатковыя бонусы і гарантыі, у тым ліку ў частцы занятасці, арганізацыі працоўнага часу, а таксама розных выплат, аздараўлення і гэтак далей.

У цэлым прафсаюзам работнікаў дзяржустаноў асаблівая ўвага надаецца пытанню матэрыяльнай падтрымкі членаў працоўных калектываў, асабліва ў выпадках, калі людзі трапляюць у складаную жыццёвую сітуацыю. Так, за мінулы год членам прафсаюза, у тым ліку шматдзетным сем’ям, аказана матэрыяльная падтрымка на суму звыш 6 мільёнаў рублёў. Таксама аказвалася дабрачынная дапамога і падтрымка дзіцячым установам, сацыяльным пансіянатам.

Што да грамадскага кантролю, то за мінулы год юрыстамі галіновага прафсаюза праведзена звыш 360 праверак і маніторынгаў. Як паказвае практыка, наймальнікі галіны ў асноўным адказна падыходзяць да выконвання працоўнага заканадаўства. У сярэднім за адну праверку ці маніторынг выяўлена толькі адно парушэнне. У прафесійнай дзейнасці прафсаюзныя юрысты накіраваны на дасудовае вырашэнне пытанняў і аказанне кансультатыўнай і практычнай дапамогі членам прафсаюза.

Акрамя падвядзення вынікаў і вызначэння планаў на будучыню, важнай падзеяй пасяджэння стала абранне новага кіраўніка прафсаюза дзяржустаноў. Удзельнікі мерапрыемства аднагалосна прагаласавалі за кандыдатуру Ігара Бузоўскага.

Алена КРАВЕЦ