Ва УУС Магілёўскага аблвыканкама заклікалі грамадзян не спадзявацца на маскітныя сеткі, калі дома ёсць маленькае дзіця. У ведамстве патлумачылі: калі вокны не абсталяваны дадатковай абаронай, гэта можа прывесці да трагедыі, паколькі сетка не здольная ўтрымаць дзіця ад падзення.
Каб зберагчы дзіця ад бяды, праваахоўнікі рэкамендуюць няўхільна выконваць чатыры правілы:
1. Забяспечце пастаянны нагляд. Не пакідайце дзяцей адных у пакоі, дзе адчынена акно.
2. Не ўспрымайце маскітную сетку як абарону. Дзіця бачыць у ёй апору і ўпэўнена абапіраецца, аднак канструкцыя не разлічана на вагу нават гадавалага малога.
3. Адсуньце мэблю ад вокнаў. Сачыце, каб каля падаконнікаў не стаялі прадметы, па якіх дзіця магло б залезці наверх.
4. Устанавіце спецыяльныя фіксатары. Выкарыстоўвайце блакатары або ручкі-замкі з ключом — тады дзіця не зможа самастойна адчыніць акно.
