«Сёння дастаткова сур’ёзна стаіць пытанне аб павелічэнні долі рэалізацыі тавараў айчыннай вытворчасці на ўнутраным рынку. Мы зрабілі аналітыку пачынаючы з 2015 года, і рост не адзначаецца. З году ў год, на жаль, дапускаем падзенне. Але разам з тым зыходзячы з афіцыйнай статыстыкі, II квартал 2025 года стаў пераломным. Калі назіралі пастаяннае зніжэнне долі тавараў айчыннай вытворчасці, то ўжо ў II квартале бягучага перыяду адзначаем рост па харчовых таварах на 1%, па нехарчовых — на 1,1 працэнтнага пункта. Гэта сведчыць аб тым, што і гандлёвыя прадпрыемствы, і прадпрыемствы прамысловасці, якія насычаюць сваім таварам паліцы магазінаў, дастаткова сур’ёзна ставяцца да гэтага пытання і праводзяць комплекс мерапрыемстваў, накіраваных на выкананне паказчыкаў і даручэнняў, якія ставяцца перад намі ўрадам», — адзначыла Святлана Караткевіч.

Паводле слоў Святланы Караткевіч, на станоўчую дынаміку рознічнага тавараабароту, як і ў мінулым перыядзе, непасрэдна ўплываюць такія фактары, як рост рэальных грашовых даходаў насельніцтва, крэдытная актыўнасць, якая сёння забяспечваецца ў першую чаргу сацыяльнымі праектамі банкаў, і прэваліраванне продажу над пакупкай валюты насельніцтвам на унутраным валютным рынку.