Балельшчыкі сталі з’язджацца ў «Раўбічы» задоўга да пачатку гонак. Для іх арганізатары падрыхтавалі шмат цікавага: выступленні артыстаў, актыўнасці, смачныя пачастункі. Але галоўнае, вядома, — насычаная праграма спартыўнага свята.

У гэтым годзе ў «Мінскай лыжні» бяруць удзел каля 60 каманд вышэйшых органаў улады, цэнтральных апаратаў сілавых міністэрстваў і ведамстваў, рэспубліканскіх органаў дзяржаўнага кіравання і не толькі. Яны будуць спаборнічаць у біятлонных эстафетах. У Год Беларускай жанчыны ў праграме з’явілася навінка — лыжная гонка «сНЕЖНАЯ ЭСТАФЕТА»: на старт у ёй выйдуць каманды, у кожную з якіх увойдуць па тры дзяўчыны.