Лыжніца Лідзія Лобан панясе беларускі сцяг на цырымоніі адкрыцця XIV зімніх Паралімпійскіх гульняў у Італіі, паведамілі БелТА ў прэс-службе НАК.
Лобан з’яўляецца двухразовым бронзавым прызёрам Паралімпіяды-2018, чэмпіёнкай свету, шматразовым прызёрам этапаў Кубка свету па лыжных гонках і біятлоне. Цырымонія адкрыцця Зімніх Паралімпійскіх гульняў стартуе 6 сакавіка ў 22.00 на антычным стадыёне Вероны. Нашу каманду ў Італіі прадставяць чатыры спартсмены, якія выступяць у лыжных гонках.
