Два лясныя пажары, што выйшлі з-пад кантролю і бушуюць недалёка ад Клінтана ў канадскай правінцыі Брытанская Калумбія, зліліся ў адзін маштабны пажар, плошча якога перавышае 66 тыс. гектараў. Пра гэта паведамляе тэлерадыёвяшчальная карпарацыя «CBC».
Праз пажар сотні людзей вымушаныя эвакуіравацца. Паведамляецца пра пашкоджанне жылых дамоў і некаторых камерцыйных аб’ектаў.
Па ўсёй правінцыі працягваюць бушаваць больш за 140 лясных пажараў, 60 з якіх выйшлі з-пад кантролю. Для тушэння ўлады прыцягнулі пажарных з іншых рэгіёнаў. Міністэрства навакольнага асяроддзя Канады выпусціла папярэджанне пра забруджванне паветра дымам ад лясных пажараў для большай часткі правінцыі. Умовы надвор’я не спрыяюць тушэнню пажару. «Ва ўмовах засухі мы па-ранейшаму чакаем даволі інтэнсіўнага распаўсюджвання агню», — заявіў супрацоўнік службы інфармавання пра пажары.
