Прэзідэнт Беларусі Аляксандр Лукашэнка ўзгадніў прызначэнні ў Выканкам СНД і саюзныя з Расіяй структуры, паведамляе БелТА.
Віталь Каленік зойме пасаду дырэктара Арганізацыйнага дэпартамента Выканаўчага камітэта СНД.
На пасаду начальніка Дэпартамента эканомікі і галіновых праграм Пастаяннага камітэта Саюзнай дзяржавы ўзгоднены Іван Бельчык.
Аляксей Чарналеўскі зойме пасаду начальніка Дэпартамента прававога забеспячэння Пастаяннага камітэта Саюзнай дзяржавы.
Вадзім Дзенісенка ўзначаліць дэпартамент абароннай прамысловасці і ваенна-тэхнічнага супрацоўніцтва Пастаяннага камітэта Саюзнай дзяржавы.
Адносна Вольгі Петрашовай узгоднена прадаўжэнне тэрміну яе работы на пасадзе першага намесніка адказнага сакратара Парламенцкага сходу Саюза Беларусі і Расіі.
На пасаду намесніка адказнага сакратара — начальніка Апарату Прадстаўніцтва Парламенцкага сходу Саюза Беларусі і Расіі ў Рэспубліцы Беларусь узгоднены Аляксандр Маркевіч.
Сяргей Сташкевіч зойме пасаду намесніка начальніка Апарату Прадстаўніцтва Парламенцкага сходу Саюза Беларусі і Расіі ў Рэспубліцы Беларусь.
Святлана Жвірыдоўская ўзгоднена на пасаду намесніка начальніка галоўнага прававога ўпраўлення Сакратарыята Парламенцкага сходу Саюза Беларусі і Расіі.
